A presentación realizarase este venres día 18, a partir das 6 da tarde, na aula da cultura do Concello (no Edificio Multiusos). Para a construción desta nova dotación asistencial a Deputación de Lugo asinou un protocolo co Concello.

A Agrupación Socialista de Pantón agradece o traballo e o esforzo da Deputación que preside Tomé Roca “nun proxecto que é de vital importancia para o futuro da vila, e que ademais da resposta á unha vella demanda da veciñanza como é a construción deste centro de maiores no noso Concello. Os nosos maiores merecen un futuro digno, e entre todos temos que loitar para que poidan vivir aquí, en Pantón, rodeados dos seus veciños e familiares”.

Por último remarcan que este acto celebrarase con tódalas medidas de seguridade que indican as autoridades por mor da COVID, máscaras, distancia de seguridade e tódolos protocolos sanitarios que marque a propia organización nesta presentación.