O pasado día 29 de xuño, a Asemblea Local do Bloque Nacionalista Galego en Monforte de Lemos, elixiu a Manuel Luaces Fernández como novo portavoz da organización.

O novo responsábel local, ten 34 anos e cursou bacharelato no I.E.S. Río Cabe e o Ciclo superior de Animación e actividades físicas no mesmo instituto. Cursou tamén o ciclo medio de atención a persoas en situación de dependencia no I.E.S. Xograr Afonso Gómez. Actualmente traballa na Asociación Prodeme de Monforte, leva anos vinculado ó traballo no mundo da diversidade funcional, xa que anteriormente traballou para Special Olympics Galicia e asociacións de Lugo como Aspnais.

Emprega parte do seu tempo como secretario da asociación micolóxica os Lactouros e sempre estivo vinculado ao deporte monfortino.