Segundo Por Chantada, a proposta do PP foi elaborada desde Santiago e aínda hoxe non se transmitiu por escrito aos grupos municipais nin aos afectados. “Un alcalde catastrófico é aquel que pon por riba o seu partido (PP) da viciñanza, pois mentres as súas “demandas” non obriga a nada á Xunta nin lle pide axudas directas, bota todas as demandas sobre o Goberno central agás a declaración de “zona catastrófica” que correspondería á Corporación. O clásico tenis político que deixa sen solucionar os problemas das persoas damnificadas,” afirman desde Por Chantada.
Por Chantada considera vergoñento que, nun suceso desta magnitude e transcorrido máis dun mes, non se emitise un comunicado oficial por parte do Concello de Chantada. Por Chantada asegura que as perdas en uva polo pedrizo de San Fiz, ascenden a máis dun millón de quilos, ao que se suman as de rianxo e froiteiras, muras e infraestruturas, castaña… Aseguran que as axudas deberían situarse sobre 2.5 millóns de euros e a liña directa de axudas, polo menos, no millón de euros.
Por Chantada explicou a lexislación actual para poder solicitar a zona catastrófica, “Antom Fente leu a proposta de declaración institucional do grupo municipal Por Chantada, mais o alcalde xa non lle deixou ler as propostas de actuación concretas que solicitabamos, cortando o debate e obrigando a votar e non deixando que se votasen as nosas emendas. Xa rexistramos unha moción que recolle as demandas formuladas polo noso grupo e que será unha das tres mocións do noso grupo que se debaterá no pleno ordinario do vindeiro día 29 de xullo.”
Insisten en que Manuel Lorenzo Varela e o seu goberno levan un mes sen xestionar nin acordar nada, “Non sabemos se atinxiremos a declaración de zona catastrófica mais si que trafegamos e pomos en limpo que temos un alcalde catastrófico.”
