Increméntanse tamén os novos casos no Saviñao e Chantada. Os demais concellos do sur de Lugo están entre 1 e 9 casos, agás Ribas de Sil que non ten ningún.
Segundo o BNG “os datos facilitados pola Consellaría de Sanidade son moi preocupantes e poden supoñer a saturación dos servizos hospitalarios na provincia, nomeadamente no sur onde o hospital comarcal de Monforte deficitario en servizos ten que derivar a Lugo, área sanitaria á que pertence aos pacientes que requiran atención dos servizos de UCI.”
“O máis importante é protexer a saúde das persoas”, afirma Carme Aira deputada Lucense no Parlamento de Galicia quen convida ao goberno galego a executar os protocolos establecidos e evitar a alarma social e o potencial espallamento do virus a máis persoas das xa contaxiadas.
