InicioPolíticaAcordo unánime no Parlamento a instancia do BNG para delimitar o Camiño...

Acordo unánime no Parlamento a instancia do BNG para delimitar o Camiño de Inverno

O BNG acada un acordo unánime, a través dunha proposición non de lei defendida pola deputada nacionalista, María Albert para delimitar o Camiño de Inverno.

Publicado o

POR
Redacción
- Advertisement -

A proposta do BNG que inclúe unha emenda de engádea do Partido popular, insta á Xunta, “incoar o procedemento de delimitación do trazado do Camiño de Inverno en virtude do artigo 76 da Lei 5/2016 do 4 de maio, de Patrimonio Cultural de Galicia, dando prioridade ás rutas principais que foron recoñecidas previamente”.

Asemade, o Goberno galego debe “promover a modificación do Plan Básico Autonómico corrixindo o trazado do Camiño de Inverno aló onde xurdan discordancias co trazado entre o trazado inicialmente previsto e o definido na delimitación definitiva do mesmo.”

Na súa intervención, a deputada do BNG lembrou que a delimitación do Camiño de Inverno está a supoñer  “problemas entre concellos” e mesmo se están a dar casos como a apertura dunha pista por fincas privadas no Concello de Vilamartín de Valdeorras, a instancias do alcalde da Rúa e sen permiso nin coñecemento do propio concello afectado

Por outra parte, indicou que a non delimitación do Camiño de Inverno está a frear o desenvolvemento económico das comarcas polas que transcorre. “Hai unha evidente parálise no investimento ante o temor da xente emprendedora a facer investimentos nun trazado que pode ser modificado con posterioridade”.

Neste sentido, afirmou que “o Camiño de Inverno é unha posibilidade para comarcas como Valdeorras” e preguntou si ademais da propaganda do Xacobeo a Xunta ten algún “interese real” polos diversos camiños. Os camiños, recalcou “deféndense con feitos e con orzamentos”.

María Albert criticou a sinalización do camiño e puxo como exemplo os que figuran no concello da Rúa “mirando para Madrid” en vez de orientar aos e ás camiñantes cara Santiago de Compostela.

A deputada mostrou a súa satisfacción polo apoio dos grupos parlamentarios á proposta nacionalista e subliñou que dende o BNG “permaneceremos atentos a que o acordo se cumpra” porque a día de hoxe, non hai ningún expediente incoado.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...