HomePolíticaO prezo do leite e unha nova depuradora para a vila, cuestións...

O prezo do leite e unha nova depuradora para a vila, cuestións a tratar no pleno de Chantada

No pleno ordinario deste 2 de decembro en Chantada trátase a moción do Sindicato Labrego Galego por uns prezos dignos para o sector lácteo. Desde Por Chantada asumen a defensa desta moción.

Publicado o

POR
Redacción
- Advertisement -

En setembro de 2021 o Concello de Chantada contabilizaba 541 persoas afiliadas na Agricultura ás que habería que sumar toda a estrutura de servizos á actividade gandeira que está asentada no Concello. Consideran desde Por Chantada que as demandas do SLG deben de ser asumidas pola corporación municipal e instar ao Presidente da Xunta a tomar a iniciativa neste paquete de medidas:

  1. A convocatoria urxente da Mesa do Leite e con carácter permanente.
  2. Que o Ministerio recolla a obrigatoriedade de crear índices de referencia vinculantes para impedir prezos e condicións abusivas.
  3. Que a Consellería sexa a encargada da realización e actualización deses índices de referencia obxectivos e representativos da realidade das granxas galegas.
  4. Que se estableza un sistema de mediación que impida os abusos sobre a parte produtora e que garanta que os contratos non sexan de adhesión.
  5. Que ningún operador lácteo poida operar se non ten aval suficiente para o pago do leite.
  6. Establecer unha liña de traballo urxente coas Administracións para reducir os custos de produción.
  7. Compromiso por parte do Concello de non mercar leite de empresas que estean a pagar prezos inxustos aos gandeiros, decantándose por marcas galegas que merquen e procesen o leite na Galiza.

O BNG Chantada reclama unha nova depuradora

A formación nacionalista considera de vital importancia o arranxo desta infraestrutura que, segundo denuncian, é “vella e ineficaz e leva contaminando o río Asma desde hai bastante tempo.”

Os nacionalistas chantadeses, que xa denunciaron os vertidos ao río Asma sen depurar, enviaron unha emenda aos orzamentos da Xunta de Galiza na que reclaman unha nova depuradora así como a reparación da rede de sumidoiros de toda a vila e instan ao goberno local a tentar resolver esta situación.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...