InicioPolíticaAtendeu a Deputación as queixas de Folgoso do Courel sobre a estrada...

Atendeu a Deputación as queixas de Folgoso do Courel sobre a estrada LU-P-1301?

O Concello de Folgoso do Courel agradécelle á Deputación de Lugo que atenda as queixas que os tres grupos da Corporación trasladaron en relación coa execución das obras da estrada LU-P-1301 que comunica Pedrafita con Folgoso do Courel.

Publicado o

POR
Redacción
- Advertisement -

Segundo informan desde o concello de Folgoso do Courel, a Deputación Provincial de Lugo, decidiu intervir de novo na estrada, tras as queixas feitas públicas pola totalidade da Corporación do Concello de Folgoso do Courel. “Decidiron anchear a curva para facilitar o tránsito dos vehículos e non deixala tal e como estaba, como fixeron na actuación inicial,” aseguran desde o concello.

“Esta nova intervención na estrada demostra que as queixas dos tres grupos municipais eran fundadas e non unha estratexia política do equipo de Goberno como sostivo a deputada socialista Pilar García Porto,” afirman desde Folgoso do Courel.

Desde o Concello agradecen esta rectificación, e consideran que vén a demostrar que a actuación era manifestamente mellorable e que as obras non se estaban facendo ben, como así se denunciou por parte do PP, o PSOE e C@urel Vivo.

O Goberno local lamenta que non se fixera xa de partida “unha obra decente e conforme ás necesidades que presentaba a vía e que o presidente se refira a saldar unha débeda co Courel cando á vista queda que optaron por facer o mínimo posible”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...