O tramo do que se vai a redactar o proxecto corresponde ao enlace Monforte Este-Babela. Un treito de 7,7 km nos termos municipais de Monforte de Lemos, Sober e Pantón. Na contorna do Alto da Bastida, desde a ligazón de Monforte Este ata a ligazón de Monforte Oeste. A previsión é facer un novo trazado, duplicando a actual estrada N-120 ata chegar á Babela, onde se remodelará a actual ligazón coa estrada autonómica de Monforte a Chantada, que servirá tamén de conexión coa futura autovía A-72 (Monforte-Chantada).

O importe total do orzamento base de licitación publicado no BOE do 11 de novembro de 2017 ascendía a 1.036.728,00 euros. O orzamento das obras para definir polo proxecto que ten un prazo de 18 meses para a súa redacción, estímase en 32,6 millóns de euros.

A voceira popular, Julia Rodríguez, lembra que o anuncio de formalización de contrato dá continuidade ao traballo iniciado polo PP cando Rajoy era Presidente e demostra “o compromiso dos populares con esta infraestrutura” que beneficiará a moitos usuarios.