A campaña que ten por lema“Arranxo Xa! Non queremos remendos”, ademais de trasladar á cidadanía a situación desta estrada a través dos medios, tamén inclúe pegada de carteis, recollida de solicitudes a través de change.org e a presentación dunha iniciativa no Pleno da Deputación deste mes.
A estrada LU-P-4102 ao seu paso polo Saviñao une as dúas poboacións máis importantes do concello, Escairón e Currelos. Actualmente o seu firme atópase en moi mal estado nun tramo aproximado de 8 km, entre Salcedo e Córneas, poñendo en perigo a seguridade dos seus usuari@s.
Desde o BNG do Saviñao aseguran que o estado da estrada deteriora os neumáticos e sistemas de amortiguación dos vehículos e afecta notablemente á seguridade na condución. Para o BNG esta é unha proba máis do abandono do interior de Galicia por parte das administracións.
