HomePolíticaOs socialistas de Pantón avanzan o arranxo da estrada provincial de Moreda...

Os socialistas de Pantón avanzan o arranxo da estrada provincial de Moreda a Paderne

Os Socialistas de Pantón avanzaron que o parque móbil da Deputación comezou as obras para arranxar a estrada provincial de Moreda a Paderne, concretamente a LU-P-4108.

Publicado o

POR
Redacción
- Advertisement -

Este martes, día 24, a Deputación de Lugo comezou as obras do firme que consistirán no acondicionamento da vía con rego asfáltico nun tramo de 4 quilómetros da estada LU-P-4108.

“Coa reparación desta vía de comunicación melloramos a seguridade viaria desta estrada provincial, e ao mesmo tempo, damos resposta ás demandas da veciñanza que reclamaba o arranxo deste vial tan utilizado na contorna”, explican dende o PSdeG.

Os socialistas de Pantón aseguran que mantiveron diversas conversas co Presidente da Deputación, José Tomé Roca, ao que lle trasladaron as prioridades para mellorar as dotacións publicas, así como as estradas provinciais que transcorren polo Concello, como neste caso a de Moreda a Paderne. “Por iso queremos agradecer o compromiso do Presidente da Deputación coa veciñanza de Pantón. Prometeuno e cumpriu”, sinalan dende o PSdeG e aseguran “imos a seguir traballando dende tódolos recunchos do noso Concello, presentando iniciativas e defendo propostas que contribúan a mellorar a calidade de vida da nosa veciñanza. Estamos a vosa disposición para traballar polo futuro do noso concello”.

ÚLTIMAS

O Quiroga Trail Challenge pecha inscricións con 1.200 participantes

En menos de dúas semanas celebrarase a undécima edición do Quiroga Trail Challenge. O...

O BNG concéntrase diante do Hospital de Monforte en favor da sanidade pública

A concentración estivo presidida polos Deputados do territorio e da área de sanidade no...

Axentes forestais ofrecen atención á veciñanza na Pobra do Brollón

O equipo de axentes ambientais adscritos ao Concello da Pobra do Brollón do Distrito...

Álvaro Gómez, promesa do bádminton e con orixes en Sober, bronce nunha competición internacional

Álvaro Gómez, xogador de bádminton vigués de orixe soberina --na parroquia de Lobios--, acadou...