EspertaMonforte! asegura que a pesar da perda de poboación, a gardaría carece de prazas para atender toda a demanda “e moitos pequenos da cidade carecen de prazas polo que teñen que buscar en gardarías privadas ou acudir a municipios limítrofes”.

O servizo de gardaría é dos máis demandados no concello, “un servizo que lle costa á administración local uns 100.000 euros, 3 veces menos que o servizo de piscina, similar ao prezo de 3 marcadores electrónicos e moito menos que outras partidas destinadas a fins máis prescindibles que a atención educativa dos pequenos e a conciliciación das súas familias”, asegura Esperta. Para o aumento de prazas, EspertaMonforte! suxire abrir unha nova gardaría ou ampliar a existente.

EspertaMonforte! tamén preguntará no pleno que previsións de recadación ten o concello coa posta en marcha das cámaras instaladas nas rúas da cidade.