Esperta Monforte asegura que cada ano o concello de Monforte incorpora máis de 420.000 euros a remanente de tesourería e que o concello recada 4.100.000 euros neste imposto do IBI.
Consideran que baixando o IBI do 0,6 actual, a 0,55 durante os próximos 4 anos só suporía a perda no incremento do remanente, “desmontando a mentira do equipo de goberno e minorando o gasto en impostos dos monfortinos para axudalos nesta nefasta situación económica coa inflación no 10%, co combustible a 2 euros o litro e co prezo da luz duplicado con respecto a anos pasados.”