InicioPolíticaOs populares acusan a Tomé de ter esquecido o barrio do Casar

Os populares acusan a Tomé de ter esquecido o barrio do Casar

A portavoz popular, Katy Varela, destaca que no Casar, como noutras zonas da cidade, prodúcense continuas roturas das tubaxes do abastecemento e que a reparación deixa como lembranza "verdadeiras chapuzas na reposición do pavimento das rúas".

Publicado o

POR
Redacción
- Advertisement -

O Partido Popular de Monforte, continuando coas súas visitas a barrios e parroquias para coñecer de primeira man os motivos das queixas dos veciños, esta semana percorreu o barrio do Casar. “Comprobamos o abandono ao que o ten sometido o alcalde, o socialista José Tomé, como en xeral sucede con toda a cidade”.

Varela sinala: “O barrio do Casar é un exemplo da política de Tomé: moita propaganda para anunciar proxectos de urbanismo, millonarios, sen ter previamente un proxecto de urbanismo claro para a cidade, e total abandono dos pequenos, pero moi importantes, detalles nos barrios e parroquias. É curioso que un mandatario que presume de asfaltar rúas e estradas, teña as vías deste barrio como as ten, cheas de fochancas e con gretas”.

Lembran que en agosto denunciaron “que uns valos amarelos no centro do barrio entorpecían a circulación e grazas á nosa denuncia foron retirados; o estado do asfalto do lugar tras a avaría é de vergoña absoluta, porque hai unha enorme fochanca, que crea perigo para o tráfico rodado”.

O PP destaca tamén a falta de roza nas marxes das rúas e estradas do barrio, de maneira que a maleza chega ao asfalto e denuncian que a travesía do barrio que o une coa parroquia da Vide “atópase nun estado lamentable, o que dificulta o paso peóns e de vehículos.”

Katy Varela resume: “En definitiva, Tomé dispón de moito diñeiro e gasta moito diñeiro anunciando investimentos millonarios, pero a realidade é a falta de rigor coa que xestionan el e o seu equipo de goberno; o barrio de O Casar é un exemplo máis da desidia coa que trata aos seus veciños o alcalde José Tomé”.

ÚLTIMAS

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...

“Foto Nuevo. Unha ollada cara ao pasado”, inaugúrase este venres ás 19:00h na casa da cultura de Monforte

Este venres, 23 de febreiro, ás 7 da tarde, José Tomé Roca, inaugura na...

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...