InicioPolíticaO PP de Monforte reclama pasos de peóns e melloras en Doutor...

O PP de Monforte reclama pasos de peóns e melloras en Doutor Casares

A portavoz popular, Katy Varela, anuncia a presentación dunha iniciativa para corrixir as deficiencias desta rúa no tramo entre Doutor Goyanes e o IES Daviña Rei. Segundo explican os populares, hai “pedras soltas e tapas de rexistros e sumidoiros rotas”, das que a que está en peor estado “é a da entrada na rúa, a altura da Praza Doutor Goyanes, que está afundida e é un perigo para a circulación”.

Publicado o

POR
Redacción
- Advertisement -

O bo estado das rúas é fundamental para que o día a día da veciñanza sexa máis seguro, cómodo e agradable. “En Monforte hai rúas que precisan a intervención municipal para corrixir as deficiencias que presentan e que son fonte de incomodidades e riscos para o tráfico rodado e peonil”, sinalan os populares. É o caso da rúa Doutor Casares, na que os concelleiros populares demandan varias melloras, tanto no que atinxe á seguridade viaria como a accesibilidade, no tramo comprendido entre a praza Doutor Goyanes e o IES Daviña Rey.

Katy Varela destaca a necesidade de pintar pasos de peóns, xa que no tramo indicado “non existe ningún”, o que é difícil de entender dado que hai “un centro de saúde e unha farmacia”. Polo tanto, como mínimo, sería necesario un paso de peóns á altura do centro de saúde.

Os populares consideran que tamén son precisas melloras nas beirarrúas, porque. “ao inicio da rúa son estreitas e perigosas, sobre todo no lado dos número impares”. Din que tamén é necesario estudar “o problema da accesibilidade nese tramo da rúa”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...