InicioPolíticaCarlos Armesto repite na dirección do PP do Saviñao, que nomea ao...

Carlos Armesto repite na dirección do PP do Saviñao, que nomea ao exalcalde, Joaquín González, presidente de honra

O alcalde, Carlos Armesto Quiroga, repite na presidencia do PP de O Saviñao como resultado do congreso celebrado onte pola tarde-noite polo Partido Popular cunha candidatura única e “con máis mulleres e xente nova”.

Publicado o

POR
Redacción
- Advertisement -

Do congreso participaron, entre outros membros da dirección provincial, o coordinador xeral e portavoz, José Manuel Balseiro, e o secretario xeral, Javier Vázquez Nodal. Desde a dirección provincial agradecen o compromiso da agrupación local e a implicación por impulsar o municipio e aos seus veciños. Ademais destacan a solidez do equipo de traballo e o bo resultado nas últimas eleccións municipais “grazas a un proxecto firme e consistente.”

O equipo de traballo co que contará o PP do Saviñao contará con Joaquín González González, que foi alcalde durante 28 anos no municipio e “agora ratificamos o seu posto” como presidente de honra. Armesto explica que “intentamos que na xunta directiva teña un maior peso as mulleres” e por iso a secretaría xeral quedará en mans da concelleira e segunda tenente de alcalde, Beatriz Rois Castro. Pola súa parte “a secretaría xeral da muller recae na concelleira de rural Maika, asumindo un protagonismo especial.” A nova directiva conta con 14 vogais.

“Intentamos que tivera cabida tamén a xente que realmente ten unha implicación co Concello e por iso vai a haber representación dos pedáneos das parroquias. Van a estar os concelleiros do partido que tiveron unha magnífica implicación durante a lexislatura” di o presidente do PP do Saviñao.

“Vamos a ter oito mulleres na directiva e xuventude. O equipo de traballo está composto de xente sobradamente cualificada, captamos talento con currículums excelentes” apunta Carlos Armesto. O obxectivo do grupo é seguir esforzándose polos veciños e traballar por aumentar o apoio de todo o municipio nas próximas eleccións municipais.

ÚLTIMAS

18.000 persoas pasaron pola Oficina municipal de Turismo de Monforte no 2023

Segundo os datos obtidos nas dependencias turísticas xestionadas polo Concello, no 2023 obtivéronse as...

O PP concéntrase na N-540 esixindo o seu arranxo

Desde o PP aseguran que apoian "as reivindicacións dos veciños de todos os concellos...

Dispositivo da Deputación de Lugo para afrontar as nevadas da fin de semana

A Deputación de Lugo está a traballar nas máis de 70 estradas provinciais afectadas...

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...