O Grupo Municipal do PSdeG-PSOE presentou un rogo para que o Goberno
Local actúe e dote de auga potable ao núcleo de Pacios, pertencente á
parroquia de San Salvador. Unha aldea que sofre a carestía de auga, tendo os veciños/as que transportar auga para o consumo domiciliario.
Os socialistas do Incio tamén se interesaron polas xestións que o
Alcalde fixo perante a Consellería de Sanidade, de cara a necesidade urxente de que se cubra a vacante que vai quedar libre no centro de sáude do Incio, debido á xubilación dun dos médicos. Os socialistas
rexistraron o 19 de novembro un escrito no Concello alertando ao Alcalde desta situación, “Seguiremos vixíantes os pasos do goberno galego e non
aceptaremos que o centro de saúde quede cun único médico. Loitaremos para que os veciños e veciñas do Incio teñan un dereito asistencial de calidade”.
Como cada pleno ordinario, dende que comenzou o mandato, o PSdeG-
PSOE do Incio preguntou polos avances na modificación do PXOM e a dataque se baralla para a súa aprobación provisional polo pleno. “Levamos máis de once anos coa tramitación da modificación do PXOM. É necesario aprobalo o antes posible e responder a unha demanda histórica dos veciños e veciñas do Incio”.
O Grupo Municipal do PSdeG-PSOE tamén se interesou pola data na
que o equipo de goberno presentará ao pleno para a súa aprobación o
orzamento do 2023, pola convocatoria das prazas do servizo de axuda no fogar afectadas polo proceso de estabilización e polo avance dos traballos na renovación das instalación de iluminación exterior no Incio.
