O grupo municipal do Bng de Pantón asistiu á última sesión do Pleno do Parlamento de Galicia neste ano 2022 para reivindicar a cobertura do terceiro médico para Pantón.

“O Sergas ten reposto outras prazas de medicina de familia no val de Lemos como é o caso do Saviñao en situación similar á nosa e despois de ternos prometido e aprobado no parlamento galego a cobertura da terceira praza no centro de saúde de Pantón, onde seguimos con dous médicos de familia. Isto o que significa é que o Partido Popular despreza a Pantón e á súa xente”, sinalan os nacionalistas.

Dende o Bng de Pantón reclaman a cobertura do terceiro médico e a súa portavoz, RosaAna Prieto, afirma que “sinalamos directamente ao PP de Pantón e de Galicia como único responsable de quedarnos sen dous médicos en menos de seis meses. Esiximos a cobertura permanente da terceira plaza antes das eleccións municipais, do contrario quedaremos para sempre sen el. A cidadanía de Pantón isto non o vai permitir!”.