Desde o BNG afirman levar moitos meses denunciando a precaria situación da sanidade en todo o país, “con recortes orzamentarios que provocan unha escandalosa mingua na calidade do servizo sanitario.”
Hai case unha semana denunciaban a grave falta de persoal que existe en todas as categorías da Atención Primaria, nomeadamente de persoal médico, o que inclúe o servizo de pediatría. “Sen nenos non hai futuro, e sen pediatras non hai atención médica para eles”, lembraba a Deputada do BNG no Parlamento Galego, Carme Aira.
Ante esta situación, o Bloque Nacionalista Galego en Lugo Sul, convoca a toda a veciñanza da comarca a participar nunha concentración que se desenvolverá o vindeiro luns, día 9 de xaneiro, ás 13:00h, diante do Centro de Saúde de Monforte de Lemos.
Os nacionalistas reivindican a recuperación da área sanitaria para dotar ao hospital comarcas de máis especialidades, e a defensa da Primaria como eixo fundamental para unha atención digna nas comarcas, eminentemente rurais.