O BNG propón que este lugar na intersección entre a rúa Lago e a rúa Real se chame Praza Casa do Cacharreiro, Praza de Xoán Rolo ou Praza da Barbería, “Este espazo público estase rematando de condicionar e dálle vida a un recuncho urbano da localidade con moita historia no que estivo a Casa do Cacharreiro, unha popular barbería e a coñecida como “Casa do Manueliño”, que era do pai do Xoán Rolo (José Antonio Rodríguez López), ben coñecido pola súa faceta intelectual, humanista e como cronista de Quiroga”, aseguran desde o BNG.

Piden, polo tanto, que o concello promova unha consulta pública sobre este tema e paralelamente poñen en marcha a iniciativa na plataforma change.org para que a xente apoie o buscarlle nome a este espazo a través dunha consulta á veciñanza.