Segundo EspertaMonforte!, o equipo de goberno aumenta o número de asentos de público en lugar de aumentar os espazos dispoñibles para a práctica deportiva, “de xeito que esta inversión millonaria non servirá para solucionar o principal problema que se atopan a meirande parte dos clubes que empregan esa instalación.”
“A inversión de 4 millóns de euros na reforma total no pavillón da Pinguela non vai solucionar en ningunha medida esta escasez de horarios ao non habilitar máis pistas de adestramento. Estamos ante unha actuación do equipo de goberno que non ten en conta as necesidades dos monfortinos, caracterizado pola súa habitual falta de diálogo, falta de información e falta de planificación que o único que asegura son chamativos titulares nos medios de comunicación pero non serven para mellorar a vida dos nosos veciños”, insisten desde EspertaMonforte. O tema debatirase no pleno desta tarde no concello monfortino.
