HomePolíticaTeddy López Pedredo, elixido candidato do PP á alcaldía da Pobra do...

Teddy López Pedredo, elixido candidato do PP á alcaldía da Pobra do Brollón

O empresario Teddy López Pedredo será o candidato do Partido Popular á alcaldía da Pobra do Brollón. A designación do candidato foi dada a coñecer nunha reunión do partido celebrada no restaurante Primeiro de Maio, nun acto ao que asistiron representantes da dirección provincial popular.

Publicado o

POR
Redacción
- Advertisement -

O candidato, que é presidente da xunta xestora do PP local, sinala que, “en canto ao que é a relación cos veciños, manterá un continuo proceso de escoita activa, para coñecer os problemas e ás súas inquedanzas, e aplicar a xestión correspondente para atender á veciñanza.” Por outro lado, destaca que fomentará a participación, “de maneira que o goberno municipal sexa o goberno de todos”. Indica que, se chega á alcaldía, fará que o Concello da Pobra do Brollón sexa “realmente transparente”.

En canto as grandes liñas de xestión do que será o seu traballo se é alcalde, destaca que entre as prioridades ten a de recuperar o servizo de extinción de incendios. Para López Pedredo, dende o Concello hai que traballar no promoción e impulso “do sector forestal, como fonte de riqueza e vinculalo á creación de emprego”. Igualmente, resalta a importancia do sector primario, en canto se refire ás explotacións gandeiras, avícolas e cunícolas. “Temos que potenciar o que temos e mirar de atraer novas empresas, ofrendo facilidade para a súa implantación”, sinala o candidato popular, “porque só creando riqueza, postos de traballo e ofrecendo servizos se pode frear o despoboamento do rural”.

No plan de traballo de Teddy López teñen un lugar moi destacado as vías que vertebran o concello, de maneira que, segundo sinala, “é preciso instar ás administracións competentes a mantelas nas debidas condicións; as de titularidade municipal é preciso melloralas, entre outras cousas, para acometer o necesario desbroce das beiras e a limpeza das cunetas.”

Por outro lado, Teddy López di que hai que avanzar na mellora dos servizos que presta o Concello, entre eles e de maneira especial, dos servizos sociais; neste último caso, apunta tamén a súa disposición a mellorar as condicións nas que desempeñan as súas funcións as traballadoras.

A dirección provincia do PP sinala: “No PP aspiramos a gobernar na Pobra do Brollón na próxima lexislatura. O PP xa gobernou este concello durante anos e, dende entón, nos último 12 anos este municipio non deixou de perder poboación e servizos”. Os responsables provinciais do PP indican que “hai outra forma de facer as cousas e xestionar os intereses públicos moito mellor, e esperamos que os veciños nos dean a confianza que nos deron durante moito tempo”.

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...