InicioPolíticaUnanimidade para elexir a Darío Piñeiro como candidato socialista en Láncara

Unanimidade para elexir a Darío Piñeiro como candidato socialista en Láncara

Os socialistas de Láncara decidiron por unanimidade elixir como candidato para as elección municipais do 28 de maio ó actual Alcalde do concello, Darío Piñeiro. O rexedor aspira a ampliar a maioría acadada fai catro anos, contando para elo “cun equipo consolidado e con experiencia de xestión que reforzará a candidatura".

Publicado o

POR
Redacción
- Advertisement -

Darío Piñeiro subliñou que entre os seus obxectivos está “darlle continuidade ós importantes proxectos que están en marcha é que están a cambiar radicalmente a imaxe do noso concello”. Neste sentido, lembrou que “Láncara recibiu no mandato da Covid o maior investimento da súa historia. E iso vese e nótase na evolución do noso municipio”.

Piñeiro asegura que o rural será un dos eixos fundamentais do proxecto para os próximos catro anos. “Imos volcarnos cunha aposta moi forte polo rural. Eu tiña esperanzas de que a Xunta na que goberna o PP, que ten a obriga de facelo, se preocupara por elo, pero non fixeron nada. Así que será a miña prioridade. Quero que a xente do rural teña servizos públicos de calidade e verdadeiras oportunidades para quedar a vivir no rural”.

A mellora dos servizos públicos, o apoio ós sectores produtivos e a dinamización do ocio e da cultura son factores esenciais para fixar poboación segundo o candidato socialista, “Quero incorporar xente nova, e por iso lle encarguei a Alba Sangil a redacción do programa naquelas cuestións que teñen que ver coa Cultura, o Deporte, a Xuventude o Turismo e a Hostalaría, pola experiencia que atesoura. A miña idea é que ocupe un posto de saída e nos axude a darlle un novo impulso a estas áreas”.

ÚLTIMAS

Ábrese o prazo para inscribirse na “XIV Carreira Popular Concello de Monforte” que se celebrará o 28 de abril

O evento, organizado polo Concello de Monforte a través da Concellería de Deportes, contará...

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...