InicioPolíticaBenjamín Escontrela, candidato socialista á alcaldía de Sarria, considera esencial unha reforma...

Benjamín Escontrela, candidato socialista á alcaldía de Sarria, considera esencial unha reforma estrutural da residencia

Benjamín Escontrela é o candidato do Partido Socialista á Alcaldía de Sarria. A Executiva do PSdeG aprobou a proposta de candidatura, que foi validada pola Comisión de Listas.

Publicado o

POR
Redacción
- Advertisement -

O Secretario Xeral dos socialistas na provincia, José Tomé Roca, destaca “a recoñecida solvencia profesional e política” de Escontrela, “que empeza unha nova etapa co aval dun partido municipalista, como é o PSOE. Non vén buscar nada á política, porque non lle fai falta. Só busca o ben de Sarria”, recalcou.

Benjamín Escontrela desenvolveu a maior parte da súa actividade profesional como médico no municipio sarriano. Nos últimos anos foi concelleiro, “grazas ao que coñezo moi ben a realidade do meu pobo e as súas necesidades”. Escontrela marca como prioridades a promoción económica e industrial, con medidas como “a posta a disposición de solo para que as empresas non sigan marchando, como está sucedendo na actualidade, e para que veñan novas empresas”.

Tamén, o deseño e implantación dun “bo plan de servizos sociais, de axuda a domicilio, axuda no fogar e conciliación laboral e familiar”. Neste ámbito considera esencial “unha reforma estrutural en todos os sentidos da residencia, que hai que ampliar e adecentala, ademais de crear un centro de día, onde se poidan desenvolver talleres de memoria ou terapia cognitiva, entre outras actividades”.

Potenciar o Camiño de Santiago como recurso xerador de riqueza e emprego en Sarria, “onde podemos ofrecer todos os servizos que precisan os peregrinos para o seu benestar, tanto atención sanitaria as 24 horas, como servizos de tren ou albergues, entre outros”, é outra das súas apostas. Para Benjamín Escontrela é así mesmo prioritario apoiar o medio rural.

Benjamín Escontrela presentará nas vindeiras datas a súa candidatura aos veciños e veciñas de Sarria, nun acto ó que acudirá o Secretario Xeral do Partido Socialista na provincia, José Tomé Roca.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...