O candidato, José Luis Rivera, móstrase “esperanzado en que poderán darlle un novo rumbo a vila quiroguesa.” Como número dous da candidatura figura Luís Manuel Arias González, coñecido como “Cañero” formou parte da corporación municipal de Quiroga durante esta lexislatura e é graduado en Inxeñería Forestal e do Medio Natural.
No número tres, Maite Pérez, nai e veciña de Quiroga dende hai moitos anos, enfermeira de formación e traballa como tanatopractora e docente de formación profesional para o emprego. Co número catro Fabio Folla, emprendedor do sector agrícola e forestal ligado ao sector primario do concello.
Co número cinco Gloria González del Pont, veciña de Pacios de Quiroga é profesora no CESUGA e licenciada en literatura comparada. Co número seis Ana Isabel Arza, licenciada en dereito e veciña de Hospital – A Ribeira, síguea na lista María del Carmen Aira Cabo, xubilada do Servizo de Axuda no Fogar, Pedro Rivera, funcionario de prisións veciño de Carballo do Lor, Jorge Martínez González hosteleiro, Emma Rodríguez Maseda veciña de Conceado do Lor enfermeira de formación e exerce como docente na UDC e para pechar a candidatura Tatiana Vega veciña de Sobrado do Lor é licenciada en dereito e continúa formándose.
Concorren como suplentes Antonio Nogueira, xefe de produción nunha multinacional, Maria Carmen Expósito, xubilada como auxiliar de clínica e Emilio Baldonedo xubilado do sector das telecomunicacións. “Unha candidatura ampla e representativa de todos os sectores de Quiroga”, conclúe o candidato.
