Na actual campaña para as eleccións municipais Esperta Monforte presentaba uns carteis electorais  novidosos, caracterizados por incluir códigos QR acompañando a imaxe de diversos membros da candidatura.

Estes códigos permitían acceder a diversos vídeos onde había unha breve intervención de cada unha das persoas da candidatura, tamén contaban co programa electoral da formación. Pero a raíz do hackeo non se pode acceder aos vídeos .

“Estamos tentando recuperar o acceso a través do código QR . Este hackeo forma parte do xogo sucio e indesexable, que ás veces contamina a confrontación política. Apostamos polo xogo limpo e democrático onde a verdade e o respecto estean por encima de todo,” conclúen desde Esperta Monforte.