Nas bases dos campamentos de Monforte recóllese, “No caso de prazas reservadas para persoas con discapacidade superior ao 33%, ter recoñecemento da situación de discapacidade e que non precisen da axuda de terceiras persoas para participar na actividade”. Segundo Esperta Monforte, o concello incumple a lei que establece que os estados adoptarán as medidas para que as persoas con discapacidade poidan participar en igualde de condicións neste tipo de actividades recreativas.
Engaden que esta moción presentouse antes de coñecer que o concello admitía a varias persoas con discapacidade que serían atendidas por monitores de apoio. Para poder ofrecer este tipo de servizo con garantías de accesibilidade para todos, Esperta Monforte propón, entre outras cousas, que os partidos renuncien ás súas asignacións mensuais e dietas ou non facer a ponte do malecón.
A outra moción refírese á velocidade dos vehículos en Piñeira. Asegura que nun breve espazo hai moitos enlaces e que non se respectan os límites de velocidade. Piden demandar á Deputación que reduza a velocidade na estrada de Sober e que se faga o mesmo na estrada que une Regueira coa Vide.
