O BNG denuncia que o concello do Saviñao ten varios días sen alumeado público á veciñanza da Páxara

O pasado venres A Páxara, unha aldea do Saviñao da parroquia de Licín, ficou sen alumeado público por mor da treboada. Segundo os nacionalistas saltou o diferencial, pero que se prolongue a solución por varios días "é un problema de deixadez absoluta e de falta de respecto aos veciños."

O Saviñao letras benvida / Concello do Saviñao

Os nacionalistas cualifican de vergoñenta esta situación despois de varios días sen luz. Aseguran que cando se lle notificou o problema ao alcalde, aseguou que ata este luns non se podía avisar á empresa de mantemento e pregúntanse “se a resposta sería a mesma de ter acontecido no casco urbano.”

Para o BNG isto é unha deixadez por parte do concello, “que en pleno século XXI se permita o luxo de deixar a unha aldea sumida na escuridade varios días porque ninguén pode vir coa chave para abrir a caixa e subir o diferencial.”

Para o BNG, isto é “unha mostra de que non se goberna para todos igual.”

DEIXAR UN COMENTARIO

Please enter your comment!
Please enter your name here