O PP de Quiroga amosa a súa preocupación polo problemas que teñen os veciños co subministro de auga, “O que nos trasladan os veciños é que a traída non ten tampouco a forza suficiente para que os quentadores poidan funcionar á hora de ducharse. As queixas dos bares son tamén unha realidade e a situación non mellora nesta época do ano na que as choivas son máis intensas e abundantes”.

Os populares de Quiroga pregúntanlle tamén ao goberno local polos motivos polos que non convocou este mes o pleno ordinario. Lembran que na constitución da nova corporación acordárase que as sesións celebraríanse cada 2 meses, “polo que tiña que terse convocado o 27 de outubro. Queremos que se nos explique por que non tivemos a sesión que correspondía. É un dereito que temos e é a nosa obriga como grupo municipal fiscalizar a acción do goberno”, conclúe José Manuel Pol.