HomePolítica"A subida do IBI será nefasta para os petos das familias", asegura...

“A subida do IBI será nefasta para os petos das familias”, asegura o PSOE de Pantón

A agrupación do PSdeG en Pantón denuncia que a suba do IBI aprobada polo equipo de Goberno no último Pleno municipal “traeá consecuencias nefastas para os petos das familias”.

Publicado o

POR
Redacción
- Advertisement -

O voceiro socialista, Roberto Prado Díaz, afirma que a veciñanza pasará dun gravame do 0,49% ao 0,55% nas súas facturas, “o que supoñerá un incremento para as arcas municipais en torno a uns 45.000€.” Lembra que en maio do pasado ano presentaran unha moción reclamando a baixada do IBI, “co fin de diminuír o tipo de gravame do 0,49% tanto para bens inmobles de natureza urbana como para os de natureza rústica”.

Agora aseguran que “ao PP de Pantón e ao seu goberno só lle interesa o seu peto e non a economía e os ingresos das nosas familias”. Mentres tanto, “lonxe disto e de atender as reclamacións veciñais, seguen a diminuír as nosas economías cando estamos a ver como baixan os impostos das grandes fortunas”. Recentemente tamén o BNG de Pantón criticaba esta subida.

Así mesmo, critica o socialista “o incumprimento e as mentiras do alcalde e da Xunta de Galicia” ao anunciar o compromiso de Sanidade de cubrir a praza do terceiro médico para o Centro de Saúde da localidade. “De novo a nosa sorpresa ao comprobar que sobre isto nada se sabe e non se contempla nos orzamentos da Xunta para este 2024”. Polo que, denuncia Prado Díaz, “toda esta batería de promesas e anuncios non son máis que fume e caen polo seu propio peso, a pesar de ter chegado coa demanda veciñal ao propio Parlamento Galego”. Lamenta que Pantón teña que resignarse a seguir con esta precariedade na asistencia sanitaria, “É intolerable, e non podemos permitir que se xogue desta maneira coa saúde dos nosos veciños e veciñas”.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...