A formación política asegura que Folgoso do Courel é un dos concellos que peor velocidade de acceso a internet ten tamén máis zonas brancas (que non teñen cobertura de rede móbil ou GSM). “Mentres se levan anos mellorando as velocidades inalámbricas de vértigo nas urbes, ao rural dificilmente nos chega 3g e mesmo en moitas aldeas hai dificultades para recibir unha chamada desde ó móbil”, afirma Courel Vivo.

Aseguran que vai a peor a cobertura en moitas aldeas e hai constantes avarías de repetidores e fibra óptima que deixan incomunicada á veciñanza, “tras ano e medio dos lumes, ainda seguen as conexións pola cuneta entre Quiroga e Seoane. Polo que o abandono das compañias e da administración competente cara o Courel, queda demostrada”.

Isto ocasiona, desde trastornos á hora de ir á banca, centros de saúde, chamar por teléfono… ou para desenvolver un traballo a distancia desde a casa, “Con estes servizos tan deficientes , é moi difícil pedir que se asenten emprendedores e empresas no noso concello se non hai unhas infraestruturas en condicións”.

“Vemos que de 290 actuacións que Antega aprovou nos últimos dous anos, só unha mellora no Courel, mentras que noutros concellos implementan máis de 20 novas instalaccións de mellora. Vemos tamén como nos deixan fora de plans como o Plan Galicia 5G ou do que xestiona axudas europeas para a mellora da conectividade. No 2019 desde CV, xa fixemos unha reclamación a Unión Europea amparándonos nas súas directrices sobre o tema, que no noso territorio non se está a cumprir”. Con estes antecedentes Courel Vivo pídelle ao pleno do concello con esta moción as seguintes cuestións:

• Solicitarlle a Amtega e á Xunta de Galicia a especial condición do Courel e incluír o concello na Estratexia Galicia Digital 2030 para erradicar esta falta de cobertura 4g. Incidir en actualizar as que son 3g a 4g e que as novas se instalen xa todas nesta ou superior tecnoloxía.
• Solicitarlle ó Ministerio de transición ecolóxica que subsane os datos que non din a verdade sobre a implantación do 4g no Courel e incluilo de forma prioritaria nos plans de mellora de cobertura e acceso a internet.
• Solicitarlles que todas as novas antenas que se instalen no Courel veñan dotadas de 4g ou 5g e non gastar diñeiro público en tecnoloxías obsoletas.