Con estes antecedentes, Por Chantada presenta un recurso potestativo de resposición que pon fin á vía administrativa “alertando aos servizos municipais que vemos nos expedientes de urbanización e de licenza do mamotreto, que era de Vialmar, dúas caras dunha mesma operación urbanística polo que poderían concorrer os delitos de prevaricación administrativa e desvío de poder.”
Por Chantada demanda a nulidade dos decretos de alcaldía que dan cobertura á licenza do edificio e á urbanización da rúa do Rego entendendo que esta debería completarse até o Pavillón conforme o aprobado no seu día no planeamento urbanístico. Ao tempo, entenden “que deben revisarse de oficio a totalidade dos expedientes que atinxen ao edifiicio e á urbanización e remitirse proposta de ditame no sentido da imposibilidade de legalizar o edificio e procedendo, en consecuencia, a súa demolición”.
Segundo Por Chantada “A diferenza do que pretende o Concello, a licenza do mamotreto nunca foi defintiiva e sempre estivo condicionada á urbanización e saída da rúa do Rego. No 2023 este mesmo alcalde prorroga unha licenza inexistente e no 2015 declaraba a ilegalidade do edificio e o perigo que representaba para persoas e bens”. Entenden que se conculca o seu dereito á participación pública “ao retardar ou negar de facto o acceso aos expedientes solicitados”.
