HomePolíticaPP e IGV lamentan que a mellora da N-540 non remate ata...

PP e IGV lamentan que a mellora da N-540 non remate ata 2027

Desde IGV lémbranlle á Deputación de Lugo a obriga dun correcto mantemento das estradas da súa titularidade, "xa que a comarca de Chantada é a zona cero da fochanca da provincia de Lugo con estradas totalmente desfeitas e inzadas de buracos. Temos demandado o arranxo das estradas provinciais e nunca tivemos resposta". A este respecto tamén piden implicación do PP, que "tentou monopolizar e usurpar as mobilizacións viciñais sobre a N-540 e faría ben en dar exemplo arranxando as numerosas vías locais que se encontran tamén nun estado completamente intransitábel".

Publicado o

POR
Redacción
- Advertisement -

O Partido Popular considera insuficiente o anuncio da adxudicación das obras de rehabilitación do firme da estrada N-540 tendo en conta que se dilata tres anos o remate das actuacións para a mellora da vía toda vez que o prazo de execución é de 38 meses desde o seu inicio previsto para outubro do 2024.

Deste xeito, dende o PP critican “o triunfalismo” exhibido esta semana polo delegado do Goberno, cando “é coñecedor e, por tanto, permitidor de que os seu presidente condene aos lucenses a convivir tres anos coa principal vía de conexión con Ourense e o AVE, ao que é imposible achegarse polas fochancas que rebentan rodas, palieres, amortiguadores, faros ou lunas”.

Pola súa banda Interior Galego Vivo considera “escandaloso e unha falta de respeito ao interior galego que dado o calamitoso estado da N-540 se actúe tan tarde e tan mal”. Consideran que a cantidade orzamentada é insuficiente para dotar da N-540 dun firme á altura da vía. “Resulta surrealista que non se licitaran as actuacións con carácter de urxencia e, no mellor dos casos, non comezará o investimento e as obras ata o 2025 .

Interior Galego Vivo apelaba a procurar solucións, que non poden prolongar o actual estado máis dun ano. “Non chegan 10 millóns para ampliar a N-540 cun aglomerado acorde á tonelaxe e ao tránsito da estrada; con redución de curvas nos piores tramos e carrís de adiantamento en todo momento cando menos nun sentido; e, como proposta de futuro deberíase facer unha intervención para a vertebración territorial real, que atendese tamén ao reto demográfico cunha mellora e ampliación incorpore un tren en paralelo que mellore a conectivade das comarcas”.

ÚLTIMAS

Os deputados do PP denuncian “trato discriminatorio” do Goberno de Sánchez coa veciñanza de Santo Estevo do Sil

Os deputados do PP lucense -Francisco Conde Jaime De Olano e Cristina Abades- trasladan...

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...