InicioPolíticaO PP de Monforte urxe ao arranxo inmediato de varias rúas

O PP de Monforte urxe ao arranxo inmediato de varias rúas

O populares aseguran que no pleno deste mes acadaron o compromiso do goberno local para acometer o arranxo de varias vías do municipio que precisan dunha intervención urxente, pero apremian a que estas actuacións se fagan cantos antes sen ter que esperar ata o verán, como din, lles indican dende o goberno de José Tomé.

Publicado o

POR
Redacción
- Advertisement -

Unha das actuacións ás que se comprometeu o goberno local é o arranxo do firme da rúa Montepando, “unha reclamación que realizamos en numerosas ocasións é que por fin conseguiu o compromiso do goberno local”.

A outra intervención é na estrada que une as parroquias de Sindrán e Chavaga, que se atopa nun estado lamentable, chea de fochancas e totalmente intransitable.

A voceira popular, Katy Varela, explica que “somos conscientes de que cando chove hai actuacións de arranxo de rúas e estradas que non se poden realizar, pero non vemos necesario ter que agardar ao verán para poder realizar estas intervencións”.

“Ao igual que Tomé inviste miles de euros cada ano en asfaltar as mesmas rúas, estradas e camiños, dende o PP de Monforte recordámoslle que hai moitas outras rúas e estradas que precisan dun arranxo urxente”, rematou.

Estrada Sindrán / PP Monforte

ÚLTIMAS

Sesión informativa sobre cambios normativos que lle afectan ás persoas con dano cerebral

A Federación Galega de Dano Cerebral (FEGADACE) vén de editar unha 'Guía legal' que recolle os principais...

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...