O BNG de Monforte leva a pleno o abastecemento de auga potable á parroquia de Ribas Altas, para dar servizo aos veciños que viven entre Ramón Cabanillas e as instalacións do Golf Rio Cabe.

Segundo Emilio Sánchez, “asumir o elevado custe que pode ocasionar levar estes servizos básicos a todas as parroquias dun concello, xustifica a lentitude da chegada das obras, porén, noutras a xustificación non pode ser outra que o desleixo do grupo de goberno”. Piden tamén a colocación de 14 luminarias para o alumeado público do Camiño de Ribas Altas.