HomePolíticaO PP de Monforte pídelle a Tomé que "deixe de ser o...

O PP de Monforte pídelle a Tomé que “deixe de ser o alcalde da maquillaxe e renove abastecemento e saneamento”

Katy Varela “ve fundamental” que o equipo de goberno se preocupe tamén pola renovación “do que non se ve” xa que a política “da maquillaxe co asfalto” do alcalde está a provocar que periodicamente os monfortinos teñamos que sufrir cortes de auga por roturas na rede.

Publicado o

POR
Redacción
- Advertisement -

Dende o PP de Monforte pedirán no vindeiro pleno que José Tomé “deixe de ser o alcalde da maquillaxe” e comece a ter unha preocupación real pola situación de todas as infraestruturas do municipio.

A voceira popular, Katy Varela, explica que periodicamente hai cortes na rede de abastecemento ou hai problemas co saneamento debido a roturas nestas redes. Un problema que lonxe de solucionarse “está a enquistarse pola política seguida polo alcalde de botar asfalto por enriba do asfalto”.

“Consideramos fundamental que dende o equipo de goberno teñan unha preocupación real pola renovación das redes de saneamento e abastecemento, polo que pediremos que cando proxecten a renovación dunha rúa non se queden só no que ve a xente, que é o asfalto, senón tamén que planifiquen melloras nas redes de saneamento e abastecemento ou, incluso, o soterramento do cableado”, explicou.

No último pleno, o equipo de goberno aprobou un investimento de 566.781€ para a reposición de infraestruturas e bens, partida orzamentaria que os populares consideran que pode destinarse en parte a este fin, “non é a primeira vez que vemos como gastan os cartos en asfaltar para, ao pouco tempo, ter que romper o asfaltado para arranxar roturas nas tubaxes, como sucede agora na rúa Concepción Arenal”.

ÚLTIMAS

Graduación de 2º de Bacharelato do IES A Pinguela

O IES A Pinguela celebrou un animado acto de graduación no que 53 alumnos...

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...