HomePolíticaCampaña de xuntanzas veciñais do PP de Monforte "para buscar solucións ás...

Campaña de xuntanzas veciñais do PP de Monforte “para buscar solucións ás reclamacións de barrios e parroquias”

As primeiras visitas programadas polos populares foron no Casar e O Fabeiro e seguirán en Santa Mariña e Ribas Altas, "onde son constantes os problemas co abastecemento e saneamento, ademais do mal estado de mantemento das pistas", sinalan os populares.

Publicado o

POR
Redacción
- Advertisement -

A Agrupación Municipal do Partido Popular de Monforte de Lemos comeza unha campaña de xuntanzas en barrios e parroquias. “Estar ao carón da xente é o único camiño para poder axudar a resolver os seus problemas”, a voceira popular, Katy Varela, explica que moitas destas visitas “foron pedidas polos propios veciños ante os constantes problemas que teñen nos seus barrios ou que detectan no día a día do municipio”.

As primeiras visitas programadas polos populares foron no Casar e O Fabeiro e seguirán en Santa Mariña e Ribas Altas, zonas que teñen en común problemas co abastecemento de auga e co saneamento, ademais de problemas pola situación na que se atopan as pistas, sobre todo en Ribas Altas, “moi molestos co estado no que se atopa a rúa na que está o centro de día”.

A voceira popular convida a todos os monfortinos que o desexen a participar destas xuntanzas e “se queren que vaiamos de inmediato ao seu barrio ou parroquia so teñen que poñerse en contacto con nós. Insistimos en que chegaremos a todos os recunchos do municipio porque nós non queremos estar ao seu carón unicamente cando se achegan as eleccións, queremos axudalos durante todo o mandato”, conclúe Varela.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...