HomePolíticaO PP leva a pleno contar con garantías sanitarias e de seguridade...

O PP leva a pleno contar con garantías sanitarias e de seguridade para a zona de baño de Ribas Altas

O Grupo Municipal Popular defenderá no pleno deste mes unha iniciativa para instar ao goberno local a levar a cabo as actuacións necesarias para que a zona de baño de Ribas Altas estea de novo no rexistro de augas de baño de Galicia e así se leven a cabo os controis necesarios polas administracións competentes para que os veciños de Monforte gocen dunha zona de baño segura.

Publicado o

POR
Redacción
- Advertisement -

A voceira popular, Katy Varela, explica que xa pediron en setembro de 2023 que o Concello realizase os traballos necesarios para que a cidade contase cunha zona de baño, “pero a realidade é que o goberno de José Tomé non fixo os deberes neste eido e un verán máis seguiremos sen unha zona habilitada para este fin con todas as garantías sanitarias e de seguridade”.

Ata o ano 2012, a zona de baño de Ribas Altas constaba como dada de alta no rexistro de augas de baño de Galicia, o que implicaba un control exhaustivo de salubridade, pero, desde 2012 xa non consta no rexistro, a pesar de que este mesmo equipo de goberno apoiou unha iniciativa popular no mandato 2015-2019, na que se solicitaba que se puxeran en marcha todos os mecanismos posibles para que se dese de alta esa zona de baño no rexistro. “Vemos, unha vez máis, como Tomé é un experto en fotografías, titulares e maquillaxe, pero á hora de traballar e xestionar non sabe ou non quere”, criticou.

Ribas Altas foi históricamente unha zona de baño na que todos os monfortinos aproveitaban no verán para pasar o tempo de ocio e refrescarse, do mesmo xeito que hoxe en día se segue facendo, polo que “consideramos lóxico que se volva a incluír no rexistro galego para que conte con todas as garantías necesarias”.

ÚLTIMAS

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...

O PP pide á Deputación que inste a Adif a reparar os danos ocasionados nas estradas provinciais de Sober e Pantón

Os deputados provinciais Antonio Ameijide e Luis Fernández comprobaron os numerosos danos producidos en...