HomePolíticaO Courel protesta pola ausencia de médicos

O Courel protesta pola ausencia de médicos

Nos centros de saúde de Seoane e Folgoso non houbo facultativos durante a mañá deste luns e anunciouse que tampouco haberá o mércores 29 e o venres 31. Esta mañá rexistráronse casi cento cincuenta reclamacións por esta ausencia de médicos.

Publicado o

POR
Redacción
- Advertisement -

As protestas repetiranse o vindeiro mércores e ata que se solucione a situación, segundo anuncia a veciñanza afectada. Mentres Courel Vivo xa daba a coñecer a pasada semana a fotografía do cartel que anunciaba estas ausencias de médicos.

Cartel que anunciaba a pasada semana a ausencia de médicos / CV

Lembran que hai tempo que se veñen recortando e degradando os servizos sanitarios, “Primeiro desapareceron as gardas nocturnas, despois e xa de forma habitual, non se cobren axeitadamente as ausencias dos facultativos, xa sexan baixas, vacacións ou días de libre disposición. Isto supón que, no mellor dos casos, un só médico teña que cubrir as dúas consultas, reducindo á menos da metade o horario de atención ao paciente, como ven pasando últimamente”.

Protestas sen médicos no Courel / MRP

Asegura a formación política que nos últimos tres meses, na ausencia por baixa dunha das facultativas, menos dun tercio dos días de consulta foron cubertos. “Seguindo con esta dinámica de abandono por parte do Sergas, o concello de Folgoso do Courel non contará con médico en ningunha das dúas consultas luns, mércores e venres desta semana. O que supón que estes días haxa veciños, por mor da dispersión xeográfica, que teñan o médico máis cercano a unha hora e cuarto”.

Desde CV esixen responsabilidades e solucións “aos responsables deste atropelo, estamos fartos das escusas de sempre, e que sexamos sempre os mesmos, as zonas de montaña máis afastadas dos hospitais referencia, quen paguemos as consecuencias. Imos chegar onde faga falta para que respecten os nosos dereitos.”

Protestas sen médicos no Courel / MRP

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....