Segundo detallou o PP de Lugo nun comunicado, os senadores preguntarán “cales son os plans” do Goberno en relación á ampliación do polígono. “Que aclare se ten previsto facer efectivo o compromiso de executar a segunda fase de urbanización, comercialización e venda de novas parcelas como iniciativa dirixida a consolidar e atraer actividade económica e xerar empregos”, sinalaron.

O polígono é xestionado pola entidade estatal do chan (Sepes), que está a transformar o chan para poñelo a disposición das empresas e da cidadanía para que poidan emprender e traballar. Pero este obxectivo “non se está cumprindo en relación con este polígono, xa que a súa ampliación segue sen executarse”, sinalan os populares.

“Esta parálise provoca unha progresiva perdida de oportunidades, ata o punto de que son xa varias as empresas que desistiron de instalarse na localidade ou as que abandonan Sarria cara a outros municipios onde se poden acceder a unha máis ampla oferta de chan industrial”, lamentaron os senadores populares