Lembran desde Esperta Monforte que hai meses que o estado da zona é “lamentable e obriga a circular infrinxindo as normas de circulación”. Pregan que mentres non se arranxen os desperfectos se sinalice adecuadamente a vía.

Nas preguntas, Esperta Monforte, volve a interesarse por quen pagou os gastos dos baños portátiles instalados no parque López Suárez para o xantar de xubilados da UGT que se celebrou en xuño. Consideran que o alcalde mentiu a primeira vez que se interesaron por esta cuestión e lémbranlle que ten a obriga de responder.

Esperta Monforte pregunta tamén se o concello está poñendo trampas para atrapar gatos na rúa ou se é cousa de particulares.