Esperta Monforte presenta ao último pleno do ano, a moción de Por un Interior Galego Vivo para a defensa de pensións dignas no interior de Galicia, que reclama o concello de Monforte se comprometa coa dignidade das persoas pensionistas e apoie, que por lei se estableza que a pensión contributiva mínima sexa igual ao salario mínimo interprofesional. Que o Concello manifeste a súa adhesión á campaña pola blindaxe das pensións na Constitución Española, mediante a prohibición expresa da privatización do Sistema Público de Pensións e dar traslado ao Congreso e ao Senado dos acordos tomados para lexislen e por lei se establezan revalorizacións anuais progresivas ata o 2030 e que ningunha prensión contributiva no rural estea por debaixo dos mil euros.

Esperta Monforte esixe con outra inciativa priorizar os investimentos na rede de saneamento e abastecemento de auga, solucionando de maneira definitiva os cortes e filtracións que afectan a numerosos barrios; axilizar as obras en curso nas rúas Morín, Rosalía de Castro e Concepción Arenal, que están a xerar malestar e perdas económicas para os negocios locais, adí como reevaluar a priorización de proxectos secundarios, como o paseo fluvial, ata garantir que os servizos básicos da cidade estean en condicións óptimas.