Privatización de servizos na Pobra do Brollón?

O PP do concello da Pobra do Brollón denuncia a privatización do mantemento do alumeado público e do abastecemento de auga e saneamento.

Concello da Pobra do Brollón / XdL

Segundo os populares da Pobra do Brollón, o Concello iniciou dous procedementos para a contratación destes servizos. No prego de prescricións técnicas para a contratación do servizo de electricidade establece un prezo de 25.000 euros anuais e para o contrato de fontanería recóllense 35.000 euros anuais.

O PP quere coñecer os informes técnicos e económicos que avalan esta privatización por se supón unha mellora do servizo ou unha diminución do custe para as arcas municipais. En todo caso lamentan que o equipo de goberno aposte por externalizar servizos que poden realizar, dín, os operarios municipais, e aseguran que se no procedemento aberto estes servizos son adxudicados a unha empresa de fóra do municipio, tamén se perde a posibilidade de ofrecer emprego aos veciños do concello.

Os populares dín lamentar estas políticas que “chocan coas críticas que o BNG verte continuamente sobre o Partido Popular.”

DEIXAR UN COMENTARIO

Please enter your comment!
Please enter your name here