Actualmente, Monforte é o único hospital galego sen este recurso, sendo cuberto polo persoal de Medicina Interna, o que supón sobrecarga e menor calidade asistencial.
A moción tamén inclúe o apoio ao persoal sanitario e insta á Consellaría de Sanidade e ao Sergas a cumprir coa normativa vixente.
Desde o BNG denuncian un novo exemplo da discriminación sanitaria ao sur de Lugo e reclaman unha atención pública digna e de calidade para a comarca.
Noutra moción os nacionalistas solicitan crear un Consello Municipal de Educación que favoreza a participación da comunidade educativa e mellore a coordinación entre centros, ANPAs, alumnado, profesorado e o propio Concello.
“O obxectivo é crear un espazo estable de diálogo e colaboración no que todos os axentes educativos poidan aportar propostas e detectar necesidades reais”, sinalou o concelleiro do BNG, Manuel Luaces.
A moción propón iniciar os trámites para constituír este órgano consultivo, elaborar un regulamento participativo e dotar os medios necesarios para garantir o seu funcionamento efectivo.
