En xullo do pasado ano, na comisión 1ª do Parlamento tomouse un acordo por unanimidade nunha iniciativa do BNG defendida por Suárez. Nela pedíase pedíase a construción dun novo campo de fútbol na localidade do Asma. Actualmente en Chantada compiten e adestran no campo municipal do Sangoñedo (o único dispoñíbel) máis de 10 equipos, “unha moi boa noticia que dá boa conta da boa saúde que goza o deporte na nosa localidade e do bo facer dos clubes que fan un grande traballo a favor da promoción do deporte e da actividade física”, asegura Suárez.

O acordo ao que se chegou no Parlamento indica que o Concello de Chantada debe realizar un estudo acerca da necesidade do novo campo. Isto, segundo Suárez, “non debería ser para nada un problema xa que, con centos de rapazas e rapaces adestrando e xogando no Sangoñedo, está máis que acreditada a necesidade dun novo campo”. Ademais, pedíase outro estudo ao Concello acerca da posíbel localización desta infraestrutura deportiva, “Ata onde sabemoso o concello non realizou os estudos pero a Xunta tampouco se preocupou o máis mínimo. O tecido futbolístico de Chantada segue manga por ombro, é realmente triste”.