Os concelleiros do Grupo Municipal do PP de Monforte denuncian o “nulo interese” do goberno de José Tomé por manter as celebracións de San Xoán no barrios dos Chaos. Os populares agradecen e recoñecen o traballo dos veciños/as, “Fixeron un traballo encomiable, pero nos últimos anos, ante o despoboamento e o avellentamento da poboación, foi un colectivo xuvenil o que colleu o testemuño, pero este ano non puideron seguir adiante. Agradecer este enorme traballo que realizaron”.

Estas celebracións contaban con cacharela, sardiñada e actuacións musicais pero este ano non houbo festa. Dende o PP aseguran que “a responsabilidade de recoller o testemuño neste momento é do Concello de Monforte, que debería de preocuparse por seguir fomentando esta celebración tradicional da nosa cidade”.

“É máis que cuestionable ver como miran cara outro lado con esta tradición de Monforte mentres apoian outro tipo de iniciativas unicamente por razóns ideolóxicas, unha postura totalmente sectaria”, sentenciou Varela.