O voceiro provincial popular, Antonio Ameijide, xunto ao voceiro do PP na Pobra do Brollón, Teddy López, comprobaron “o lento avance dos traballos” que xa acumulan atrasos. Ameijide esixe “axilidade” na Pobra do Brollón para rematar a construción desta residencia e para poder dar este servizo fundamental comprometido con todos os veciños.
Insta, ademais, a que cando se remate a construción “se poña en servizo en igualdade de condicións” co resto de residencias da rede provincial, “non sexa que se lles ocorra a PSOE e BNG aplicar na Pobra do Brollón o mesmo criterio que aplican a Becerreá, cobrar un 60% máis que no resto de residencias da rede”.
Antonio Ameijide recorda que PSOE e BNG tiveron que realizar ata cinco licitacións para que comezasen as obras desta residencia de maiores. “A realidade é que o goberno provincial foi de fracaso en fracaso no referente á construción da residencia de Pobra do Brollón. Todos estes atrasos supuxeron que o custo desta infraestrutura aumentara 800.000€ pero o peor son os anos de espera para estes veciños”, explica.
