Os socialistas do Páramo explican que este proxecto naceu exclusivamente da entidade veciñal, que solicitou a axuda no marco da convocatoria provincial de 2023. O Concello non participou na tramitación nin destinou recursos propios á execución do miradoiro e apuntan, “esta percepción distorsionada vese reforzada polo feito de que a voceira, Ana Castaño, Concelleira do goberno municipal é tamén Presidenta da Comunidade de Montes promotora da iniciativa, o que xera unha evidente confusión institucional”.

Desde o PSdeG lembran que “o Concello do Páramo leva anos sen habilitar ningún tipo de axuda para as asociacións locais, incluída a Comunidade de Montes que fixo posible este proxecto” e reclaman a elaboración dun plan local de promoción turística, que conte coa participación da veciñanza e das entidades do municipio.

O PSdeG-PSOE agradece á Deputación de Lugo “o seu compromiso cos pequenos concellos e co impulso ao rural. Grazas ao seu apoio económico, iniciativas como esta poden levarse a cabo, mesmo cando o Concello non as impulsa nin as apoia”.