Este servizo fora eliminado no pasado e, tras a mobilización social e política, conseguira ser reposto de maneira provisional a través dun autobús mentres duraban as obras na liña Ourense-Monforte-Lugo.
Os nacionalistas aseguran que agora Renfe volve a suprimilo, sen garantir que se manteña unha vez se restableza plenamente a circulación ferroviaria. Lembran que esta conexión é imprescindible para centos de persoas usuarias de Lugo e da comarca de Lemos, pois permite chegar desde Madrid a Monforte e a Lugo no mesmo día.
“Lugo e o sur da provincia sofren un déficit histórico en materia ferroviaria, polo que non se poden consentir máis recortes senón que se deben incrementar as frecuencias e mellorar os servizos”, aseguran.
A eliminación deste enlace deixa en peor situación a un territorio xa castigado pola falta de alternativas en transporte público. “O tren das 23h non é un luxo, é unha necesidade para moita xente de Monforte, Sarria e Lugo que ten que desprazarse a Madrid ou que regresa no último servizo da capital. Cada recorte supón máis illamento e máis dificultades para un territorio que xa sofre un déficit histórico en comunicacións”, subliña Emilio J. Sánchez Iglesias, viceresponsable comarcal do BNG Lugo Sur.
Desde o BNG Lugo Sur esixen ao Goberno central e a Renfe:
- A reposición inmediata do servizo das 23h, sexa por tren ou por autobús, mentres duren as obras.
- O mantemento definitivo da conexión ferroviaria Ourense-Monforte-Lugo ás 23h unha vez rematen os traballos.
- Un plan real de mellora das conexións ferroviarias en Lugo e Lemos, que deixe atrás os recortes e aposte polo transporte público de calidad
