HomePolíticaDeputación e Concello de Láncara valoran os investimentos en maquinaria

Deputación e Concello de Láncara valoran os investimentos en maquinaria

O Presidente da Deputación, Darío Campos Conde, o Deputado pola Comarca de Sarria, Pablo Rivera Capón, e o Alcalde de Láncara, Darío Piñeiro López, supervisaron este xoves o impacto das melloras no parque móbil municipal.

Publicado o

- Advertisement -

Grazas a unha achega duns 100.00 euros do organismo provincial, o Concello de Láncara puido dispoñer estes últimos anos da maquinaria necesaria para acometer obras de acondicionamento de vías de comunicación, saneamentos e outros servizos imprescindibles para os veciños e veciñas.

Con este orzamento mercouse unha retroexcavadora e un camión guindastre cos que poder acondicionar e rehabilitar camiños, accesos ou saneamentos, entre outros. E grazas tamén a esta achega, o Concello de Láncara dispuxo de fondos para adquirir un camión de rego asfáltico e un pisón cos que mellorar vías e estradas nas 26 parroquias que ten o municipio.

Campos Conde destacou que “dende o Goberno da Deputación defendemos a mobilidade como un dereito para os veciños. Por iso, colaboramos cos concellos para a compra de maquinaría coa que mellorar os servizos e dotacións públicas dos que desfrutan os veciños. Queremos que todos os lucenses, sexan de núcleos rurais ou urbanos, desfruten das mesmas oportunidades, co fin de garantir un desenvolvemento en igualdade de condicións, vivas onde vivas”.

Piñeiro López agradeceu á Deputación o seu esforzo e implicación “por mellorar a calidade de vida de todos e cada un dos lancareses, pois estas son colaboracións das que se benefician o conxunto dos veciños do Concello, xa que serven para mellorar vías de comunicación, fundamentalmente no rural”.

Con esta colaboración do Goberno Provincial, o parque móbil de Láncara medrou nos últimos anos e conta a día de hoxe con maquinaria que lle permite acometer servizos básicos como obras de saneamento, arranxos de camiños e estradas, transporte de materiais, arranxo de accesos, construción de canalizacións, mellora de accesos a fincas, retirada de maleza das cunetas, etc.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...