Esperta Monforte presenta ao pleno deste luns varias mocións. Nunha das iniciativas volven a expresar o seu firme rexeitamento ao proxecto de construción dunha nova ponte sobre o río Cabe. Argumentan que o proceso ignorou alternativas menos daniñas para a contorna do Paseo do Malecón

Demandan que o pleno manifeste o seu rexeitamento á decisión do Goberno Municipal de Monforte de manter a tramitación desta ponte. O mesmo coa decisión da Deputación Provincial de aprobar o convenio de financiamento no que pode estar incluida a nova ponte e coa decisión da Dirección Xeral de Patrimonio pola que se autoriza o proxecto e reclaman que se anule o acordo de autorización.

A formación política solicita tamén ás autoridades educativas unha revisión urxente da planificación escolar de 2º de educación primaira para o curso 2026/2027, co fin de evitar a saturación nas aulas. Esperta Monforte reclama manter a calidade do sistema educativo e as condicións laborais docentes.

No capítulo de pregos, Esperta pide que se volva denunciar no Seprona o verquido ilegal do camiño na zona da Vide e revisar a presión de auga en todo Monforte e parroquias, “porque as queixas son habituais”.